|
||||||
| منتدى الحوار العام منتدى عام شامل لجميع المواضيع |
|
#1
02-26-2009, 04:17 AM
|
|||
|
|||
مواقف طريفة من حياتنا
اكتب لكم مدونات مع اختي الغالية روزي اقصد اهي اهي...صغيرورتنا....وان شاء توسع صدوركم الاولى: كنا حاطين الغنم في الحوش وانا وروزي متضايقين  وزعلانين تدرون ليش..... حزنانين على الخروف وقلت لاهلي لاتخلوني اشوف الخروف ترى والله مااخليكم تذبحوه المهم.....كل مانسمع صوته نحززن اكثر بس اظن الخروف تمرد وقفز من فوق الحواجز اللي كانو حاطينها اهلي وصار يركض حول البيت واخواني وراه طردي.....  والله اشكالهم تضحك بس والله سوو رياضة وحنا بس جالسين نشجع :24: اخواني من احسن واحد فيهم بس اظن الخروف طلع احسن منهم واخيرا مسكوه وربطوه من كثر مااتعبهم..... الثانية: ومرة وانا صغيرة تو مادخلت المدرسة نمشي في الشارع مع اهلي ..وكنت مستانسة ومن كثر مااني كذا ماعاد شفت جاء التقاطع ومرت السيارات ووقفو اهلي ووقفت ويوم طولت السيارات علي... رحت اركض واهلي يصرخون وصدمت في سيارة جمس حمراء كانت واقفة والحمد لله ماسلمت مني .... صدمتها قبل ماتصدمني وبعدين طحت...  ونزل راعي السيارة مسكين شايب روعته بس وشافني ابكي وخاف وقالو اهلي طيبة مافيها شيء بس قلبه ماطاوعه.....:004: قال باجيكم بكرة ورحت للبيت والحمد لله مافيني شيء ... بس من بكرة جاء الشايب ويوم شفته الله لايوريكم كان الذاكرة رجعت لي وصرت ابكي وكل ماقرب ازيد في البكاء...  المهم هو مادرى وش يسوي قام وعطاني ريال... ويوم شفت الريال اها... عادتعرفون الريال ذيك الايام وش زينه سبحان الله سكت وما عاد فكرت في الصدمة ....واستانس الشايب وراح وانا من يومها مايعرفوني اخواني الا باام ريال.....  الثالثة: وانا باقولكم عن سما تحب النوم  بس اذا نامت صارت تتكلم وهي نايمة المشكلة دايم تروعني....ومرة كان عندها اختبار وصارت تتكلم وتقول خلاص اخر مرة والله ماعاد اسويها وصارت تتكلم عن مادة الجغرافيا...وصحيتها .. ومرة فتحت عيونها وصارت تسلم علي وترحب فيني بقوة ماكانها شايفتني من زمان... والحمد لله تقول من زمان ماشفناك ماكانها مسلمة علي قبل يومين.... ومرة كانت تتكلم في الكورة وفجأة صرخت الله يقلع محمد نور ضيعها وانا التفت يمها الا هي متحمسة وتقول كله من محمد نور ضيع البللنتي....وفكرتها قايمة ويوم اكلمها تضحك وترجع تنام ...  والله كوكتيل اختي اللي يبي يوسع صدره يجلس عندها وهي نايمة.... الرابعة: كنا في عمرة وطبعا"سما ماتشوف باالغطوة يعني دايم تصقع في اللي قدامها .... المهم انا كنت امشي ورى ابوي الله يرحمه وجنبي امي واما الصغنونة سما والله ماادري وين رااااحت... يارب ماادري وشلون بنلقاها..يعني مو من زووود طولها تنشاف... وجلسنا في المسعى بس ندور عليها والله حاله...  ويوم طالعنا الا وهي قدامنا تلحق واااحد تفكر انه ابوي الله يرحمه... وكنا بناديها بس ابوي الله يرحمه قال خلوها علشان ثاني مرة ماتدولج بذا الراس وتطالع زين...  والحمد لله اخيرا"الاخت عرفت انها مضيعة.. وعااادت مكسورة الخاطر يعني متفشلة ياانا ضحكت عليها ضحك .... والحمد لله عقب هذا الموقف مانمشي الا وحنا نطالعها يعني تعرفون يمكن نلف يسار او يمين وهي تروووح صيده .. بس الحمد لله رجعنا للبيت سالمين ...      
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض الشجري
|
|
